Fazail E Amaal Ke Hikayaat Wa Khuraafaat ILM-E-GHAIB KI TALEEM (fazail e zikr) Fazail e amaal me aisi riwayaton ki takraar bharmaar hai jo saaliheen ke baare me ghuloo aur inki taraf ghaib ki nisbat par hain, Inme se chand riwayaat mulaheza ho ” sheikh abu yazid qurtubi farmate hain maine suna ke jo shakhs 70,000 martabah ‘ la illaha illallah’ padhe usko dojakh ki aag se nijaadmile, maine yah khabar sunkar ek nisaab yani 70,000 ke tadaad apni Biwi ke liye padha aur kai nisaab khud apne liye padh kar zakhira akhirat banaya, hamare paas ek naujawaan rahta tha jiske muttalik ya mashoor tha ke sahab kashf hai, jannat dozakh ka bhi ise kashfhota hai, mujhe iski sohbat me kuch shakh tha, ek martabah wah naujawaan hamaare saath khaane me shareek tha ke kuch der baad usne cheekh maari aur saansen phulaane laga aur kaha ke meri maa dozakh me jal rahi hai, us haalat mujhe nazar aayi, qurtubi kahte hain ke main iski ghabraahat dekh raha tha, mujhe khyaal aayake ek nisaab iski maa ko bakhs dun jisse iski sacchai ka bhi mujhe tajurbah ho jaayega, chunanche maine ek nisaab 70,000 ka in nisaabon mese ek jo apne liye padhe the uski maa ko bakhs diya, maine apne dil me hi bakhsha tha aur mere is padhne ki khabar bhi allah ke siwa kisi ko na thi, wahnaujawaan fauran kahne laga ke, chacha meri maa dozakh ke azaab se hata di gayi, qurtubi kahte hain ke mujhe Is kissa se do faayede hue ek to is barkat ka jo 70,000 ki maqdaad par maine suni thi uska tajurba huwa, dusre us naujawaan ki sacchai ka yaqeen ho gaya, ya ek waqeya hai is qism ke na malum kitne waqeyaat is ummat ke afraad me paaye jaate hain” ( fazail e zikr 123/24)
allama shoraani ne meezaan al akbar me likha hai ke hz imam azam rh jab kisi ko wuju karte hue dekhte to us paani me jo gunaah dhulta nazar aata usko malum kar lete, yah bhi malum hojaata ke kabeera gunah hai ya sagheera,magar wah faa’al hai ya khalaaf oola, jaisa ke hassi cheezein nazar aaya karti hain, isi tarah yah bhi malum ho jaata tha, chunanche ek dafaa koofa ki jama masjid ke wuju khaana me tashreef farma they, ekjawaan wuju kar raha tha, uske wuju ka paani girte hue aapne dekha to usko nasihat farmaayi ke ,beta ! Waalidain ki nafarmaani se tauba kar le, usne tawba ki, ek dusre shakhs ko dekha to usko nasihat farmayi ke Bhai ! Zina na kiya kar bahut bada aib hai, us waqt usne bhi zina se tawba ki, ekaur shakhs ko dekha ke sharaab khori kar raha hai, usko bhi nasihat farmayi, usne bhi tawba ki, al gharj uske baad imam shahab ne allah taala se dua ki ke aiy allah is cheez ko mujhse door farma de, ke main logon ki buraiyon par matlaa nahi hona chaahta, haq taala ne duwa qubool farmayi aur cheez zaail ho gayi,kahte hain isi zamaaneme imaam sahab ne mus-ta-amal paani ke napaak hone ka fatawa diya tha, kyonkijab wah paani ganda nazar aata tha to kaise usko paak farmate, magar jab yah cheez zaayel ho gayi to isko napaak farmaana bhi chhod diya” (fazail e zikr pg 210/11)
Hazrat mumshad dayenuri R.A. mashur buzurg hain. Jis waqt un ka intikaal hone laga to kisi paas baithne wale ne dua di hak taala shahnahu aap ko jannat ki fala fala daulat farmaye to hasn pade farmane lage 30 saal se jannat apne sare saaz wa saman ke sath mere samne hazir hoti rahi hain ek dafa bhi toh udhar tawajho nahi ki” (fazail e zikr pg 227)
TASHRIH- in tamaam manqoolah ibaraton me mureed, peeron aur buzurgon bil khusoos imam azam kighaib daani ke kisse bayan kiye Gaye hain, jabke Allah taala ka Farman hai ” koi nahi jaanta hai ki kal kya karega, aur koi nahi jaanta ke kal kahan Marega” (Surah luqmaan) ” agar main ghaib jaanta to bahut kuch bhalaiyyan haasil kar leta aur mujhe koi taqleef nahi pahuncti” (Surah araaf) ” Allah ghaib ka jaannewaala hai wah apne ghaib par Kisi ko khabardaar nahi karta hai magar uske paighambar ko jise pasand karta hai, pas uske aage aur peeche pahra laga deta hai” (Surah jinn) hadith me hai ke ek sahabiya ne hz usman bin maz’oon ra ki wafaat par kaha ke main tum par qasam kha kar kahti hun ke allah taala ne tumhaare saath izzat ka sulooq kiya hai, rasoollullah(sw s) ne farmaya tumhe kaise malum?……. Allah ki qasam main allah ka rasool hote huwe bhi nahi jaanta ke mere aur tumhaare saath kya sulooq hoga??” (Bukhari) in quran ki ayat aur hadith maujood hone ke bawajood dozakh aur logon ki gunaahon par khabardaar hone ka dawaa zurraat se kiya ja raha hai, jabki isqism ki baaton se la-ilmi ka elaan khud rasoollullah(sw s) apni zubaan Mubarak se farma rahe hain, agar aap(sws) ko ilm ghaib ka kuch hissa mila hota to hz aisha par bohtaan ke waqt hi aap maamle ko wajeh farma dete, lekin aap koi faisla nahi kar paa rahe they, jab hz aisha ke paak daamni ke baare me wahi naazil hoi to aapko iska ilm haasil huwa,ghaur wa fikr karne ka maqam hai ke ye Jamat ki kis intehaai tak pahunche huwe hain
allama shoraani ne meezaan al akbar me likha hai ke hz imam azam rh jab kisi ko wuju karte hue dekhte to us paani me jo gunaah dhulta nazar aata usko malum kar lete, yah bhi malum hojaata ke kabeera gunah hai ya sagheera,magar wah faa’al hai ya khalaaf oola, jaisa ke hassi cheezein nazar aaya karti hain, isi tarah yah bhi malum ho jaata tha, chunanche ek dafaa koofa ki jama masjid ke wuju khaana me tashreef farma they, ekjawaan wuju kar raha tha, uske wuju ka paani girte hue aapne dekha to usko nasihat farmaayi ke ,beta ! Waalidain ki nafarmaani se tauba kar le, usne tawba ki, ek dusre shakhs ko dekha to usko nasihat farmayi ke Bhai ! Zina na kiya kar bahut bada aib hai, us waqt usne bhi zina se tawba ki, ekaur shakhs ko dekha ke sharaab khori kar raha hai, usko bhi nasihat farmayi, usne bhi tawba ki, al gharj uske baad imam shahab ne allah taala se dua ki ke aiy allah is cheez ko mujhse door farma de, ke main logon ki buraiyon par matlaa nahi hona chaahta, haq taala ne duwa qubool farmayi aur cheez zaail ho gayi,kahte hain isi zamaaneme imaam sahab ne mus-ta-amal paani ke napaak hone ka fatawa diya tha, kyonkijab wah paani ganda nazar aata tha to kaise usko paak farmate, magar jab yah cheez zaayel ho gayi to isko napaak farmaana bhi chhod diya” (fazail e zikr pg 210/11)
Hazrat mumshad dayenuri R.A. mashur buzurg hain. Jis waqt un ka intikaal hone laga to kisi paas baithne wale ne dua di hak taala shahnahu aap ko jannat ki fala fala daulat farmaye to hasn pade farmane lage 30 saal se jannat apne sare saaz wa saman ke sath mere samne hazir hoti rahi hain ek dafa bhi toh udhar tawajho nahi ki” (fazail e zikr pg 227)
TASHRIH- in tamaam manqoolah ibaraton me mureed, peeron aur buzurgon bil khusoos imam azam kighaib daani ke kisse bayan kiye Gaye hain, jabke Allah taala ka Farman hai ” koi nahi jaanta hai ki kal kya karega, aur koi nahi jaanta ke kal kahan Marega” (Surah luqmaan) ” agar main ghaib jaanta to bahut kuch bhalaiyyan haasil kar leta aur mujhe koi taqleef nahi pahuncti” (Surah araaf) ” Allah ghaib ka jaannewaala hai wah apne ghaib par Kisi ko khabardaar nahi karta hai magar uske paighambar ko jise pasand karta hai, pas uske aage aur peeche pahra laga deta hai” (Surah jinn) hadith me hai ke ek sahabiya ne hz usman bin maz’oon ra ki wafaat par kaha ke main tum par qasam kha kar kahti hun ke allah taala ne tumhaare saath izzat ka sulooq kiya hai, rasoollullah(sw s) ne farmaya tumhe kaise malum?……. Allah ki qasam main allah ka rasool hote huwe bhi nahi jaanta ke mere aur tumhaare saath kya sulooq hoga??” (Bukhari) in quran ki ayat aur hadith maujood hone ke bawajood dozakh aur logon ki gunaahon par khabardaar hone ka dawaa zurraat se kiya ja raha hai, jabki isqism ki baaton se la-ilmi ka elaan khud rasoollullah(sw s) apni zubaan Mubarak se farma rahe hain, agar aap(sws) ko ilm ghaib ka kuch hissa mila hota to hz aisha par bohtaan ke waqt hi aap maamle ko wajeh farma dete, lekin aap koi faisla nahi kar paa rahe they, jab hz aisha ke paak daamni ke baare me wahi naazil hoi to aapko iska ilm haasil huwa,ghaur wa fikr karne ka maqam hai ke ye Jamat ki kis intehaai tak pahunche huwe hain
No comments:
Post a Comment